Сопственик на Tesla Model S во Финска одлучи да го разнесе својот електричен автомобил со динамит откако му било потребно да ја замени батеријата, за која „Тесла“ рекла дека ќе чини 22.000 долари.

Нема многу информации колку чини замена на батеријата на електричниот автомобил, особено на возилото на Tesla.

Тешко е да се одговори на тоа прашање бидејќи огромното мнозинство од замените на батериите на Tesla биле направени под гаранција.

Првично, Tesla понуди осум години неограничени гаранции за километражата за моделите S и X.

Откако во 2012 година започна производството на моделот S, дури неодамна овие возила почнаа да ја губат гаранцијата. Сега, наводно, има гласини дека замената на батериите чини помеѓу 20.000 и 30.000 долари. Тоа се многу пари, но добрата вест е што е познато дека батериите на Tesla траат долго.

Сепак, дури и ако проблемот не е нужно деградација на батеријата, батериите понекогаш едноставно се распаѓаат и се скапи за замена.

Финецот Томас Катаинен, сопственик на Model S од 2013 година, имал слаба батерија без гаранција, а Tesla побарала околу 22.000 долари за да ја замени.

Оваа идеја не му се допадна на Катаинен, со оглед на тоа што користениот Model S од 2013 година чини околу 35.000 евра во Финска.

Но, Катаинен реши да тргне по друг пат. Тој стапил во контакт со јутјуберот Pommijätkät, кој има канал познат по минирање на нештата, и го замолил да закачи 30 килограми динамит на електрично возило и да го разнесе.

Погледнете го видеото: