Жан Пол Готје е човекот кој пола век го диктираше правецот на високата мода. На неговата последна ревија која се одржа во Париз 67-годишниот Готје најави дека се збогува од високата мода. Во Париз беа прикажани неговите спектакуларни креации, но и ретроспектива на неговата 50годишна кариера во модата. Жан Пол Готје ќе биде запаметен по неговата иновативна креативност и карактеристичниот стил. Неговите креации се формални, разиграни и необични. Тој е првиот кој ги внесе и машките здолништа во светот на модата.

Жан Пол Готје сериозно навлегува во модниот свет уште во 1970 година кога Пјер Карден воодушевен од неговиот талент, го вработил како асистент. После него работел и со Жак Естрела. Неговата прва самостојна колекција ја објавува во 1976 година. Неговите познати креации ги носеше и Мадона, а во текот на кариерата постојано ги воодушевува модните професионалци.