Изберете жолта памучна блуза прилепена за телото во комбинација со долга сукња со вертикални линии во црно, жолто и бело. Овој комплет може да го носите со црни чизми до колена заедно со жолта чанта и плетени обетки во жолто како дополнителни модни детали.

Доколку обожавате потемни бои ви предлагаме класичен изглед. Црни панталони со интересни странични детали, блузка и црно сако со кожно ременче на половината. Комбинацијата е идеална со кратки чизмички со животински принт. Како моден детал предложуваме очила за сонце.