Често се случува, да баш кога Вашите нокти изгледаат нај хаотично Вие да немате време да отидете во салон на маникир. Како да го решите овој проблем во домашни услови без да ги оштетите ноктите?

Многу е важно колку можете повеќе да го избегнувате ацетонот за нокти. Тој ќе го отстрани лакот, меѓутоа може и сериозно да ги оштети ноктите. Обидете се со специјални течности за отстранување на лакот, доколку не сте во можност да ги направите дома, посетете ја најблиската аптека.

Гел лакот може да го исчистите и со безбоен лак за нокти. Нанесете подебел слој и веднаш избришете со салфета без да дозволите да се исуши.

Друго решение е алкохол разреден со вода 1:1, ставете на памук, протријте и завиткајте со фолија. За 15 мин избришете ги лесно ноктите. Овој метод не се препорачува да го користите често затоа што, често користење на алкохолот им штети на ноктите.

Сепак, најдобрата опција е да набавите специјален продукт за отстранување на гел-лак, навлажнувачки, хидратантен крем за раце и нокти, фолија, памук, специјална алатка за отстранување на лак за нокти-по можност дрвена. Чистењето се случува во неколку чекори. Прво, ставете малку од прочистувачот на памук, а потоа зацврстете ги со фолија ноктите. Почекајте десет минути и извадете ја. Внимателно исчистете го преостанатиот лак со дрвената алатка. Нанесете крем за да ги негувате ноктите и рацете.