Особено во зимскиот период косата е многу сува, па тоа доведува до разделени краеви и воопшто изглед на нездрава коса. Многу е важно во овој период да ја негувате косата, односно да ја потхранувате. Тука може да Ви помогне моќта на авокадото затоа што ги содржи сите хранливи состојки што се потребни на Вашата коса.

Кондиционерите купени од продавница не помагаат многу во овој период, единствено го полнат скалпот со силикон. Единствен начин да се заштитите  можеби се токму домашните маски за коса, кои ќе го навлажнат и потхранат влакното. Авокадото има моќни состојки за лекување на сувост и оштетување, а може да има корист за Вашата коса. Авокадо е богато со омега-3 масни киселини и есенцијални аминокиселини . Природните масла во овошјето и даваат на Вашата коса долготрајна и длабока хидратација. Содржи витамини А, Б2, Д и Е, бета-каротин и минерали . Овие хранливи материи помагаат во потхранувањето на вашата коса и скалпот и промовираат здрав раст на косата. Авокадо содржи витамин Е кој има антиоксидантни својства, што може да помогне да се спречи оштетувањето на косата од слободни радикали. Плодот е богат со биотин, што се покажува дека помага во стимулирање на растот на косата.

Еве пример за домашна маска од авокадо, мед и маслиново масло.

Состојки:

1 зрело авокадо со средна големина
2 лажици  мед
2 лажици маслиново масло
2-3 капки есенцијално масло од лаванда (по избор)
Капа за туширање
Фен
Време на подготвување
5 минути

Ставете ги сите состојки во блендер се додека не добиете мазна, хомогена смеса. Нанесете ја оваа мешавина на вашата коса и скалпот и краевите.  Откако вашата коса е целосно покриена во смесата, покријте ја со капа за туширање и дувајте со топол фен околу 15 минути. Измијте ја косата со ладна вода и шампон. Правете го следнов третман еднаш неделно.