Кога имате омилена боја, па дури и да е бела, зошто мора да ја мешате со други бои? Вашиот дом може да го има луксузниот сјај дури и кога е уреден во само една боја. Секако дека варијацијата на бои е многу важна за ентериерот, но тоа не значи дека и монохроматскиот стил нема да биде перфектен. Доколку ја инјектирате Вашата персоналност и си поиграте со текстуален контраст и тонски нијанси го имате очекуваниот резултат. Погледнете ги нашиве предлози.
Доколку вашата омилена боја е белата, Ви предлагаме да внесете универзална металик боја и да се фокусирате на текстурата на мебелот. Додадете метални ногари, огледала и се друго во металик сјај за комплетен лукс изглед на домот.
Сакавте жолта боја? И оваа најсончева боја не е лесно да се вклопи во ентериерот, па како неутрални бои кои треба да ги додадете се светло сивата и белата. Овие се поладни бои, па жолтата ќе биде во преден план.
Крем монохроматската комбинација дава нежен изглед, сјај и светлина на Вашиот дневен престој. Доколку сакавте да внесете неутрална комбинација, тогаш вметнете некој детал на нежно розе. Така крем бојата ќе остане во прв план.
Доколку планирате во Вашиот простор да ја вметнете сината боја, тогаш слободно додадете и лак сјај на Вашиот мебел, кој ќе ви биде светла точка во собата. Како неутрална боја користете ја белата.
Црно-белиот спектар ќе Ви даде забавен и модерен изглед на домот. Слободно додадете сива неутрална боја или златен декор. Црно белиот ефект кој го замисливте нема да се изгуби, а во комбинација со овие две бои ќе добие на интензитет и допир на топлина.
Розевата е една од најромантичните бои, па зошто да не ја внесете во Вашиот простор. Иако монохроматското уредување алудира на уредување во иста боја, тоа не значи дека не треба да си поиграте со нијансите и различните тонови од истата фамилија на бои.
Следетене на