Јапонците ова грозје го нарекуваат „Ruby Roman“ затоа што е убаво како рубин и се чувствувате како римски император откако ќе изедете грозд.

Црвеното грозје по големина е слично на топчињата за пинг-понг, пишува Lux life. Секоја од овие „топчиња“ е полна со вкусни сокови кои пукаат во вашата уста кога гризете. Секоја поединечна мушка може да тежи до 20 грама.

Освен што е толку сочно, ова грозје има и висока содржина на шеќер и ниска киселост. Нешто како шеќерна бонбона со малку кисел вкус, но наместо тврда е мека и сочна, пренесува „Нова.рс“.

Кој го купува ова грозје?

Очигледно, некои богати поединци од Хиакуракус го купиле ова грозје по рекордно висока цена во 2019 година. Тие платиле 10.000 долари за околу килограм, што значи дека едно грозје чини околу 470 долари. За оваа сума можете да купите прстен од осумнаесет каратно злато со дијаманти и рубин или можете да побарате да ве нахранат со ова грозје додека ја играте улогата на царот.

Од каде доаѓа ова скапоцено грозје?

Потекнува од јапонската префектура Ишикава, а беше претставена во 2008 година како врвно овошје.

Компаниите го даваат како промотивен подарок, па затоа е многу баран.

Покрај тоа, лозарите продаваат само одредена сума во исто време, со цел да ја задржат ексклузивноста, побарувачката и цената.