Кој не сака долга, бујна и беспрекорно здрава коса? Лоша вест е дека поради одредени причини и после одреден период косата престанува да расте и почнува да се разредува. Зошто е тоа така? Покрај вообичаените причини, како што се нездравиот начин на живот и навиките за исхрана, лошите услови од животната средина и несоодветната рутина за нега на коса, разни други фактори можат да предизвикаат престанок на растот. Во оваа статија, ќе разговараме за причините поради кои  косата престанува да расте.

Колку расте косата за една година?

Косата на секој човек престанува или го забавува растот, откако ќе достигне одредена должина, по што минува низ фазите на катаген, телоген и егзогена пред да расте повторно. Просечно земено здрава и негувана коса расте околу 15 цм годишно.

Кои се најглавните причини зошто косата престанува да расте или едноставно го забавува растот?

Генетски причини – Генетиката многу влијае врз изгледот и бујноста на Вашата коса. Но тоа не значи дека и натаму треба да престанете да ја негувте.

Стрес – И психичкиот и физичкиот стрес може да го ограничи растот на Вашата коса дури за 30%.

Возраста – Стареењето не само што ја менува бојата на косата туку го стопира или забавува растот. Покрај животниот век и експериментите како што се стилизирање, фарбање и третирање на косата – влијаат на вашиот циклус на раст на косата.

Слабост и кршливост – Ако забележите дека Вашата коса е со иста должина дури и по одреден период, таа всушност би можела да се крши. Расипувањето на косата може да биде предизвикано од несоодветна или прекумерна грижа. Премногу процесирање и претерано стилизирање со топлина Вашата коса може да резултира во губење на влагата и еластичноста, предизвикувајќи да стане сува и кршлива.

Раздвоени краеви- Луѓето со сува коса обично имаат раздвоени краеви. Ако вашата коса не добие доволно хранливи материи за да го балансираат нивото на влага, нејзините краеви ќе започнат со разделување, што резултира во кршење. Не можете да ги вратите распуканите краеви, единствениот начин да ги спречите да предизвикаат понатамошно кршење на косата е да ги отсечете.

Алопеција Ареа – Ова е автоимуно нарушување во кое имунолошкиот систем им штети на клетките во фоликулите на вашата коса и го намалува растот на косата. Луѓето со витилиго, пернициозна анемија, астма и проблеми со тироидната жлезда имаат поголем ризик да ја развијат. Сепак, соодветна медицина и фототерапија може да ја третираат оваа состојба.

Недостаток од физичка активност и здрава исхрана –  Здравата исхрана и рутината за вежбање се многу важни за раст на косата. Исто како и Вашето тело, Вашата коса исто така бара адекватни витамини, минерали и хранливи материи за да расте. Недостатоци на железо, протеини, цинк, витамин А или биотин можат да ја ослабнат Вашата коса, подложувајќи ја на оштетување и загуба.

Проблеми со тироидната жлезда- Неправилностите во производството на хормони од тироидната жлезда исто така може да имаат негативно влијание врз вашата коса.

Породување и доење – Хормоналната нерамнотежа после породувањето често резултира во она што е познато како постпартално опаѓање на косата. Здрава исхрана, редовно вежбање и внес на дополнителни додатоци во исхраната се неопходни за да се минимизира постпарталното губење на косата.