Убавината и луксузот на еден ресторан се отсликува преку добрата храна, ентериерот, добрата услуга, но и преку добриот поглед. Искуството секогаш е позначајно кога добриот поглед ќе Ве остави без здив. Овде ги издвоивме рестораните кои го имаат најдобриот поглед во светот.

Ресторан „Grotta Palazzese Pulja“ во Италија. Во внатрешноста на карпите со прекрасен поглед кон Јадранско море.

„Andronis Santorini“ Грција, освен спектакуларниот поглед тука ќе ги најдете и најдобрите кулинарски специјалитети.

Crater Lodge – Танзанија – Во областа Нгоронгоро на Танзанија, постои голем вулкански кратер кој е формиран пред скоро 3 милиони години. Овде се наоѓа овој ресторан каде дефинитивно акцентот не е ставен на храната туку на погледот.

Ithaa е подводен ресторан кој се наоѓа на Малдивите во областа Рангали. Овој ресторан дефинитивно ќе Ве остави импресионирани со својата уникатна локација и погледот.

Ресторан „Le Panoramic“. Замислете како го пиете Вашето кафе, или го јадете ручекот, во оваа снежна идила со поглед кон Mont Blanc. Овој ресторан се наоѓа во ски центарот Шамони во Франција.