Патиките што ги носеше кошаркарот Мајкл Џордан на почетокот на кариерата се продадени за речиси милион и пол долари на аукција, објави аукциската куќа Сотби.

 

Тоа е рекордната цена што некои спортски патики ја постигнаа на аукциската продажба.

„Највредните патики досега на аукција, Nike Air Ships од 1984 година што ги носеше Мајкл Џордан за време на редовната сезона, продадени за 1.472.000 долари на аукција во Лас Вегас“, објави Sotheby’s на Твитер синоќа.

Патиките кои Џордан ги носеше на петтиот натпревар од првата сезона со Чикаго Булс станаа култни и на теренот и надвор од него.

Многумина сметаат дека Џордан е најдобар кошаркар на сите времиња.