Денес е денот на љубовта и скоро сите што се во некаква љубовна врска се спремаат некако да го прослават овој ден. Но што всушност знаете за Валентајн? Овие факти навистина ќе ве изненадат.

 

Потеклото на Валентајн

Според историчарите, овој празник настанал додека римскиот император Клавдиј II во обид да ја зајакне својата војска, им забранил на младите да стапуваат во брак за да бидат подобри војници. Па така, Св. Валентин започнал да склопува бракови во тајност и заради неговата непослушност, бил погубен на 14-ти февруари.

 

Честитки

Според официјални пресметки секоја година се разменуваат околу 144 милиони честитки на овој празник само во Америка, а ширум светот оваа бројка е драстично поголема.

 

Подароци

Верувале или не, на овој ден не се купуваат најмногу цвеќиња, туку накит.

 

Веридби

На овој ден, кој се смета за најромантичниот ден во годината, околу 6 милиони парови прават веридба, односно мажите преферираат да запросуваат на 14-ти февруари.

 

Различно се празнува

Овој ден различно се празнува во различни држави, па така на пример во Латинска Америка овој празник е познат како денот на љубовниците или денот на љубов и пријателството. На овој ден исто се празнува љубовта, но се става фокус најмногу на љубовта кон пријателите. Во Македонија, овој ден според грегоријанскиот календар е посветен на Св. Трифун како ден на лозарите и градинарите и на овој ден се прави закројување на лозјето.