Најромантичниот ден во годината, Денот на вљубените или познат и како Валентајн полека се наближува. Ако се уште немате идеја како да го поминете оој 14ти февруари со саканата особа, тогаш ние имаме неколку предлози за вас.

 

Подгответе романтична вечера

Изненадете го партнерот со романтична вечера која сте ја подготвиле вие самите. Направете го омиленото јадење и поставете ја масата со нежни и романтични декорации. Можете да запалите некоја свеќа, или десертот да биде во форма на срце. Пуштете тивка музика и уживајте. Ќе се чуствувате како на првиот состанок.

 

Поминете ја вечерта во хотел

Направете резервација за двајца во хотел. Не мора дури ни да заминете во друг град, но фактот што ќе бидете сами на локација различна од секојдневието, ќе ја направи вечерта посебна.

 

Одете на лизгалиште

Запомнете го овој ден по нешто различно, па затоа ви предложуваме да отидете на лизгалиште.

 

Посетете некој џез клуб

Зарем има нешто поромантично од чаша вино придружена со пријатна музика?

 

Посетете спа центар или закажете масажа за парови

Масажата за парови е одлична идеја доколку сакате нешто релаксирано каде што не ви е потребна никаква активност. На овој начин и вие и вашиот партнер ќе бидете опуштени и релаксирани за вечерта која ви претстои.