Не е тајна дека кралското семејство, како и најголем дел од луѓето, ги сака Божиќните и Новогодишните празници, па така традиционално со години наназад овие празници се дочекуваат во кралската куќа во Сандрингам. Кралицата Шарлот се смета дека е таа која што ја започнала традицијата со украсување на Божиќната елка во кругот на кралското семејство, традиција која со голем ентузијазам била прифатена од страна на кралицата Викторија и принцот Алберт и останала да постои и до ден денес.

Нивните вработени посветуваат голем дел од времето во соодветно декорирање на елките и палатите, додека пак самата кралица Елизабета е таа која што го завршува украсувањето и ги нанесува последните детали.