Ако не сте сигурни во изборот на шминка и често се двоумите што да нанесете на вашето лице, тогаш зошто да не пробате да се шминкате според вашиот хороскопски знак? За тие што веруваат во астрологијата, знаат дека голем број на одредени карактерни особини им се заеднички на тие со ист хороскопски знак, па затоа понекогаш се чини дека одреден хороскопски знак има одредена омилена боја, начин на изразување, па дури и физички карактеристики. Тоа важи и за типот на шминка кој што сакаат да го користат.

 

Овен

Овните се познати по нивната страственост и тоа што сакаат да доминираат со својот изглед. Користете смели бои при шминкањето, посебно во пределот кај устата, па затоа кармини со силна боја се секогаш препорачани.

 

Бик

Тврдоглави и упорни, но сепак на изглед навистина нежни, за жените кои што се родени во хороскопскиот знак бик им препорачуваме женствени бои како праска боја или светло розова. Нанесете малку руменило на образите и сјај за уста и вашиот целосен изглед е готов!

 

Близнаци

За близнаците кои што секогаш се двоумат што да користат, препорачуваме разни бои, поготово во пределот кај очите. Експериментирајте со различни нијанси на сенки, па дури и целосно различни бои.

 

Рак

Удобноста кога станува збор за жените со хороскопски знак рак е секогаш на прво место, па затоа можете секогаш да користите маскара за да ги истакнете очите или црно моливче.

 

Лав

Лавовите се смели и забавни личности и секогаш се истакнуваат во група на луѓе. Користете хајлајтери за да го истакнете вашето лице и шминка во светли бои.

 

Девица

Мистериозните девици сакаат да се истакнуваат на еден пасивен начин, па затоа најмногу им одговараат земјени тонови на бои. Користете зелена, кафена или златна сенка за очи за да го надополнат вашиот сензуален изглед.

 

Вага

Класичен црвен кармин со минималистичка шминка се секогаш одличен избор за вагите, посебно затоа што овој начин на шминкање совршено се вклопува со нивниот динамичен карактер.

 

Скорпија

Сензуални и типични заводнички, жените скорпии се познати по очите кои хипнотизираат па затоа е секогаш добро да користите smokey начин на шминкање на очите.

 

Стрелец

На прв поглед суптилни, но секогаш упорни во својата цел, жените стрелци на еден пасивен начин доминираат со околината. Тонови во боја на праска се секогаш одличен избор за нив.

 

Јарец

Жените јарци ако сакаат изгледот да го поврзат со нивниот карактер, тогаш треба да користат смели тонови кои што се нетипични за секојдневието.

 

Водолија

За овој хороскопски знак никогаш нема правила во шминкањето. Денес може да користи неутрална шминка, додека пак утре да експериментира со различни бои, па затоа водолиите се шминкаат во зависност од нивното расположение. Ако немате конкретна инспирација, тогаш сјај за усни со светки е секогаш одличен избор.

 

Риба

Рибите се по природа доста романтични и имаат тенденција да фантазираат, па затоа понекогаш е добро за нив и да ја прескокнат шминката целосно. Ако сепак сакаат да се нашминкаат, тогаш секогаш ќе одберат минималистичка шминка за да одговара на нивниот карактер.